Kensch Du de Soti? De "Soti" isch mein beschter Freind
Ond au mein allergrößter Feind
De "Soti" isch immer do
Wo i grad bin, wo i gang no
Meischt isch de "Soti" it allei
Meischt kommt d'mit "au no" oder "glei"

De "Soti" im Haushalt en ewiger Berg
Am Schreibtisch kommt d' so schnell, dass es auch glei gar it merk
Bügelwäsch "Soti" am besta glei -
Weil sonst vermehrt sich d' "Soti" elleweil
Bei d' Flickwäsch hot d' "Soti" a bissele Zeit
Drum schtell den Flickkorb weg, recht weit

Blos no denksch "Soti" au no irgendwann
Des "Soti" plaget de halt dann
"Soti hola" "Soti richta" "Soti macha"
Oh je, d' Tag isch's kurz für all' dia viele Sacha
Ond d' Nacht zu lang
Do "Soti" schlofa dann

" Soti rum" "Soti" num
Arbeit hört it auf, s'isch sauseckeldumm
Au wei, jetzt fällt ma grad ei -
"Soti it au no glei…."